للطلاب الحاصلين ع الاعدادية
مدارس المتفوقين STEM (للبنات والأولاد) كل ما يخص التسجيل في مدارس ستيم 2023 /2024 للطلاب الحاصلين ع الاعدادية
مرحباً بكم زوارنا الكرام في موقعنا باك نت يسرنا بزيارتكم أن نقدم لكم من الحلول الثقافية والتاريخية والاخبارية والتعليمية إجابة السؤال ألذي يقول.. ما هي مدارس المتفوقين STEM (للبنات والأولاد) كل ما يخص التسجيل في مدارس ستيم 2023 /2024 للطلاب الحاصلين ع الاعدادية
الإجابة
مدارس المتفوقين STEM (للبنات والأولاد) كل ما يخص التسجيل في مدارس ستيم 2023 /2024 للطلاب الحاصلين ع الاعدادية
أولا : معنى كلمة stem
science, technology, engineering and math....
تانى حاجه لازم تعرفها ان المدارس دي داخلية (هتروح الاحد وترجع الخميس) ومناسبة اكتر للناس اللي حابة تدخل علمي.
أماكن المدرسة
_____________
المعادي - اكتوبر - الإسكندرية - الدقهلية - كفر الشيخ - أسيوط - الإسماعيلية - الأقصر - البحر الأحمر - الغربية - المنوفية - الشرقية - العبور - قنا - بني سويف - المنيا - سوهاج - الفيوم - السادات.
وبيفتحوا كل سنه مدارس ف محافظات تانية.
نظام التعليم
___________
المدارس دي هدفها انها تلغي نظام الحفظ والتلقين، فهي معتمدة اعتماد كلي علي الفهم والبحث والتطبيق. يعني بتخلق باحث مش مجرد طالب.
ودا معناه أن مفيش لا مناهج ولا كتب، كل طالب بيستلم لابتوب اول سنة وبيسلمه للمدرسة تاني في اخر سنه، والمناهج عبارة عن موضوعات رئيسية الطلبة بتتوسع فيها من خلال البحث وجمع المعلومات من الانترنت والمراجع....الخ. + أن الدراسة ف STEM باللغة الإنجليزية.
الكليات المتاحة
______________
لو دخلت علمي علوم متاح قدامك كليات الطب بكل أنواعه (طب - علاج طبيعي - صيدليه - علوم )
ولو دخلت علمي رياضة متاح ليك ( هندسة بمجالاتها - حاسبات ومعلومات )
شروط التقديم
______________
اي طالب يقدر يدخل STEM لو جايب ٩٨٪ ومقفل مادة واحدة من ( انجليزي - رياضيات - علوم )
أو لو جايب ٩٥٪ ومقفل مادتين من ( انجليزي - رياضيات - علوم )
امتحان القبول
_____________
بيكون عبارة عن أسئلة MCQ في أربع مواد ( Math - Sciences - English - IQ )
مميزات المدرسة
_______________
• النظام هناك هيغيرلك طريقة تفكيرك ومذاكرتك.
• بعدك عن اهلك هيعلمك تتعلم المسئولية.
• في فرصة أن يجيلك منح من برا مصر.
عيوب المدرسة
______________
• أن المدرسة داخلية.
• لو بتحب المواد الأدبية فالمدرسة دي مش ليك، بلاش تدخلها لأنها مفيهاش أدبي أصلاً.
• النسبة المرنه ودي عبارة عن عدد المقاعد المتوفرة لطلاب STEM في كل كلية واللي بتتحسب كالتالي: (عدد طلاب ستيم ÷ عدد طلاب ثانوي عام) × عدد المقاعد المتوفرة في الكلية
بس عامةً محدش بيدخل أقل من علوم.
• لو حاطط عينك علي كلية معينة ممكن ينتهي بيك الحال في كلية تانية خالص حتي لو جايب مجموع عالي ودا بسبب النسبة المرنة.
منقول...
