منحة البطالة 2023
#منحةالبطالة أهم ما جرى شهر ديسمبر بالنسبة لمنحة البطالة ومستفيديها:
✅ رفع قيمة منحة البطالة من 13000 إلى 15000 بداية من شهر جانفي
✅ اليوم 28 ديسمبر هو آخر يوم يتم صب فيه منحة البطالة للشطر الثالث للمستفيدين والصب متواصل إلى غاية منتصف الليل 00:00
✅ لي غلطولهم فالكارط ڨريز ودارو طعن راهي رجعتلهم لكن ترجع بالتدريج يعني لي مرجعتلوش هذا الشهر تدخلو الشهر الجاي ... كاين مجموعة دخلتهم اليوم وكاين لي شهر الجاي...... ومام لي كانت عندو قبل المنحة 22 فيفري وباعها ترجعلو أما لي باعها بعد المنحة ولا مزالت عندو مترجعلوش وتم إقصاءهم
✅ بالنسبة لأصحاب القرض ميرجعولهمش المنحة وكاين لي عيطولهم يرجعو واش خلصو يعني إقصاء نهائي
✅ لي غلطولو فالكارط جون يعني عندو ومسوي الوضعية وداروه ماشي مسوي الوضعية رجعتلهم ولي ملقاش هذا الشهر يلقا الشهر الجاي پيسك ترجع بالتدريچ
✅ أصحاب الإحصاء (19 20 و21 سنة) تم تعليق المنحة إلى حين التسوية النهائية للوضعية إتجاه الخدمة الوطنية
✅ أصحاب السورسي تم تعليق المنحة إلى حين التسوية النهائية للوضعية إتجاه الخدمة الوطنية
✅ من تم رفضه لعرضين عمل تم الإقصاء
✅ من لم يلبي الدعوة لي التكوين تم الإقصاء
✅ بالنسبة لأصحاب الدراجات النارية مزالت معلقة ولم يتم معالجة الخطأ
#ملاحظةهامة
✅ لي متوفرة فيهم كامل الشروط وملقاوش المنحة يصبرو منا لل 00:00 إذا مدخلتش يروحو لانام ويدو معاهم لكارط ناصيونال وشهادة الإستفادة من المنحة وبطاقة طلب العمل يرفو السبب ويصلحوه والشهر الجاي تدخل نورمال مي لازم يديرو روكور
#تنويــــــه
✅ التسجيل في المراسلة لا يؤثر على المنحة
✅ التسجيل في باك ليبر لا يؤثر على المنحة
✅ التسجيل في مسابقة الدكتوراه لا يؤثر على المنحة
✅ التسجيل في المسابقات لا يؤثر على المنحة
#نصيحه
✅ متغفلوش على بطاقة طلب العمل وديرو التجديد قبل تاريخ إلغاء الطلب ب15 چور
✅ لي فاتو التجديد لازم يروح لانام ويدي معاه شهادة الإستفادة من المنحة ولكارط ناصيونال وبطاقة طلب العمل باش يديرولك التجديد ويديبلوكيلك الخلصة پاسكو كي يفوتك التجديد تتبلوكا الخلصة
#هام___جدااا
✅لم يتغير أي شئ بالنسبة للشروط هذا الشهر بإستثناء رفع قيمة منحة البطالة
✅ بالنسبة لحجز موعد المقابلة مزال مغلوق ونهار لي يفتح فيه غير معلوم وميفتحش حتى ينقص الغاشي
