الجهاز المناعي 3 و انواع الاستجابة المناعية و المناعة الفطرية ومكوناتها
#انواع_الاستجابة_المناعية 2
#المناعة الفطرية 2 والاخير
#المكونات_الخلوية_للمناعة_الفطرية
مرحباً بكم متابعينا الأعزاء طلاب وطالبات العلم في موقع باك نت.baknit الموقع التعليمي المتميز والمتفوق بمنهجية الإجابة الصحيحة والنموذجية من مرحلة التعليم الابتدائي والمتوسط والثانوي bac 2023 كما يسرنا بزيارتكم أن نقدم أهم المعلومات والحلول وأفضل الأسئله بإجابتها الصحيحه من شتى المجالات التعلمية من مقرر المناهج التعليمية 2022 2023 وكما عودناكم أعزائي الزوار في صفحة موقع باك نت أن نطرح لكم ما تبحثون عنه وهو .......الجهاز المناعي 3 و انواع الاستجابة المناعية و المناعة الفطرية ومكوناتها
وتكون الإجابة على سؤالكم هي على النحو التالي
الجهاز المناعي 3 و انواع الاستجابة المناعية و المناعة الفطرية ومكوناتها
البلعمة phagocytosis
بهاي العملية الخلايا البيضاء او المعروف بالبلعميات تبتلع وتقتل وتهضم الكائنات الغريبة.
تبدا عملية البلعمة بلانجذاب الكيميائي للعامل الغريب او الممرض، وبعدين تحيط بيه الخلايا البلعمية عن طريق ارجلها الكاذبة pseudopodia وتبتلعه وتكون فجوة بلعمية phagosome.
وبعدين الفجوة البلعمية تتحد ويا الاجسام الحالة lysosome الي بيها انزيمات هاضمة لتكون فجوة بعلمية-حالة phagolysosome.
وداخل الفجوة البلعمية-الحالة يتم قتل الميكروب عن طريق افرز مواد مثل بروكسيد الهيدروجين H2O2 وفوق اكسيد الهيدروجين والانزيمات الحالة.
وبهلطريقة تتخلص البلاعم من العوامل الممرضة والغريبة.
#البلعميات_الكبيرة او وحيدات النوى monocytes / macrophages
اكبر خلايا الدم البيضاء وتمثل 10% من كريات الدم البيض الموجوده بالدم .
يتم تكوين هلخلايا بنخاع العظم ، وبعد تكوينها تروح لمجرى الدم لفتره مؤقته وبعدين تدخل للانسجة و تتمايز الى بلاعم.
وتعتبر البلعميات خط الدفاع الاول للانسجة ضد الميكروبات، وكل نوع من الانسجة عنده بلاعم خاص بيه فمثلا بالرئة يسموها البلعميات الحويصلية alveolar macrophages والي تكون وظيفتها هي الدفاع عن الرئه ضد الميكروبات الغريبة وتنظيفها من جزيئات الغريبة.
وبلاعم الجلد يسموها خلايا لانكرهانز langerhans.
وهم البلعميات موجوده بشكل حر وتكون وظيفتها تنظيف الخلايا العدلات الميتة neutrophils.
ويمكن للخلايا البلعمية هم ان تتميز الى الخلايا العارضة للمستضادات Antigen presenting cells هاي الخلايا تبتلع الاجسام الغريبة " المستضادات او الانتجينات" وتكسرها وترجع تعرضها على سطحها بشكل مواد بروتينية بسيطة لتتعرف عليها خلايا لخ اسمها الخلايا التائية T cells.
الخلايا التائية متكدر تتعرف على المواد الغريبة بشكل مباشر لذلك وبعد متتعرف عليها بمساعدة الخلايا العارضة للمستضادات، حدز الخلايا التائية رسائل للخلايا الخ لتحفزها ولتبدا الاستجابة المناعية.
#الخلايا_الحبيبية Granulocytes
تحتوي هلخلايا على نواة مفصصة وحبيبات بالسيتوبلازم.
وتوصل نسبة هلخلايا بالدم 60-70% من العدد الكلي لكريات الدم البيض.
عمرها قصير جدا يوصل الى 3 ايام.
تنقسم ل 3 انواع :
1-العدلة Neutrophil : نسبتها 90% وهي من اول الخلايا الي توصل الى منطقة الالتهاب، وارتفاع نسبتها يدل على وجود التهاب حاد.
تفرز هلاخلايا عدد من الانزيمات من الحبيبات الي بالسيتوبلازم مالتها.
ويكون اما افرازها داخل الخلية لتحليل المواد الي ابتلعتها او خارج الخلية لتحليل المواد كبيرة الحجم الي متكدر تبتلعها.
2- الحمضة Eosinphils :
نسبتها 2-5% وتزيد هلنسبة عن حدها الطبيعي عند الاصابة بالحساسية.
وعند حبيبات هلخلايا القدرة على افراز انزيمات تحلل الاجسام الغريبة الكبيرة مثل الديدان الطفيلية، ولحتى تكدر الخلايا الحمضة قتل الطفيلي لازم يكون على سطحه جسم مضاد نوع IgE (بعدين حنحجي عن الاجسام المضادة بشكل مفصل) فلخلايا الحمضة ترتبط بهلجسم المضاد وبعدين تفرز انزيماتها القاتله للطفيلي يسمون هلعملية التسمم الخلوي المعتمد على الجسم المضاد antibody dependen cellular cytotoxicity.
وذلك تكون من مميزات الاصابات الطفيلية هو ارتفاع نسبة الخلايا الحمضة.
3- خلايا القعدة Basophil :
نسبتها 0.5-1% على اسطح هلخلايا اكو مستقبلات للاجسام المضادة من نوع IgE من تتحد ويا الاجسام الغريبة الخاصة بهلمستضاد، الخلية هاي تفرز كمية كبيرة من المواد الموجودة بحبيباتها بالسيتوبلازم مثل الهيستامين والسيراتونين وهاي المواد تسبب زيادة الافرازات المخاطية بالقصبة الهوائية وانقباض عضلات الجهاز التنفسي وزيادة نفاذية الاوعية الدموية لحتى تسمح لبعض الخلايا الي متكدر تعبر الاوعية الدموية بالظروف العادية مثل خلايا الحمضة والعدلة بالعبور.
وهاي الاعراض كلها تسبب ظهور اعراض مرض الحساسية، لذلك لهل خلايا اهمية كبيرة عند الاشخاص الي مصابين بالحساسية.
#الخلايا_القاتلة neture killer cells
بعض الخلايا مثل الخلايا السرطانية و الخلايا المصابة بالفيروسات تكون كبيرة لدرجة ان البلاعم متكدر تلتهمها ولا تقتلها لذلك هنا يجي دور هلخلايا.
فهلخلايا تقتلهم عن طريق الارتباط بهلخلايا وافراز انزيمات تساعد على تحلل وقتلهم.
اكو نوعين من الخلايا القاتلة تشتغل ضمن الجهاز المناعي القاتلة والقاتلة الطبيعية الي تتحفز نتيجة وجود السيتوكينات والانترفيونات الي تدل على وجود عدوى فيروسية او خلايا سرطانية.
#هوامش
**المستضاد او الانتجين : هو عبارة عن جسم غريب يحفز استجابة مناعية "انتاج اجسام مضادة للقضاء عليه"هلجسم الغريب ممكن يكون عبارة عن افرازات ميكروب مثل السموم الي تفرزها بعض البكتيريا او ممكن يكون جزء من مكونات الميكروب مثل الجدار الخلوي او اسواط البكتيريا او البروتينات السكرية الموجودة بغلاف الفيروسات او اي مادة غريبة عن الجسم.
الاجسام المضادة antibody : هي عبارة عن بروتينات على شكل حرف Y تنتجها الخلايا B (حنتعرف عليها ببوستات جايه) ترتبط هلاجسام بالمستضاد الموجود على الاجسام الغريبة كالميكروبات مثلاً ونتيجة هلشي تساعد خلايا الجهاز المناعي بسهولة تميز والتعرف على الجسم الغريب والقضاء عليه.
